• 

ბაზარზე „სნოს“ კიდევ ერთი არომატიზირებული წყალი – „სნო“ კიტრის ნატურალური არომატით გამოჩნდა.

კომპანია „აქვა გეო“ მუდმივად ანებივრებს მომხმარებლებს სიახლეებით. მარტში ბაზარზე „სნო“ ლიმონის არომატით გამოჩნდა, რომელმაც საკმაოდ კარგი გამოხმაურება ჰპოვა საზოგადოებაში. „აქვა გეო“  წყლის პირველი მწარმოებელი კომპანიაა საქართველოში, რომელმაც არომატიზირებული წყლის ახალი კატეგორია შექმნა ბაზარზე და პროდუქციას ნატურალური არომატებით, კონსერვანტების, შაქრისა და დამატკბობლების გარეშე აწარმოებს.

როგორც კომპანიაში ამბობენ, „სნო“ ლიმონის არომატის მსგავსად, კიტრის არომატიც სასიამოვნოდ გააოცებს მომხმარებელს.

 „ჩვენთვის – მაღალი ხარისხი სავიზიტო ბარათია.  „სნო“ კიტრის არომატით კეთდება ჩვენი ნატურალური მინერალური წყლით, ნატურალური კიტრის არომატით, კონსერვანტების, შაქრისა და ყოველგვარი დამატკბობლის გარეშე და მსგავსი ანალოგები მსოფლიოშიც კი ძალიან მცირეა. სწორედ წყლის ხარისხი, ნატურალურობა და სიჯანსაღე არის პროდუქტების დამახასიათებელი უპირატესობა“ ,- აღნიშნა „აქვა გეოს“ მარკეტინგის დეპარტამენტის ხელმძღვანელმა ლევან შავლაყაძემ.

„აღსანიშნავია, რომ  დამუშავების პროცესშია დამატებით ნატურალური გემოები, როგორიცაა, „ვაშლი“, „პიტნა“, „საზამთრო“, „მოცვი“ და ა.შ. რომელიც ეტაპობრივად გამოჩნდება დახლებზე.

„სნოს“ საბადო მუხრანის ველზე, 150 მეტრის სიღრმეზე მდებარეობს. იგი ოთხი წყალგაუმტარი შრით არის დაცული, რაც მის ბუნებრივ სისუფთავეს განაპირობებს. შესაბამისად იგი რეკომენდებულია ყოველდღიური მოხმარებისთვის, ორსულთათვის და ბავშვთა კვებაში გამოსაყენებლად.