ეუთო-ს საპარლამენტო ასამბლეის დამკვირვებლები ყველა მხარეს პროვოკაციების არიდებისკენ მოუწოდებენ

მთავარი გვერდის ჩანაწერები

ეუთო-ს საპარლამენტო ასამბლეის დამკვირვებლები ყველა მხარეს პროვოკაციების არიდებისკენ მოუწოდებენ ეუთო-ს საპარლამენტო ასამბლეის დამკვირვებლები აღნიშნავენ გაუმჯობესებულ წინასაარჩევნო გარემოს საქართველოში და მოუწოდებენ ყველა მხარეს პროვოკაციების არიდებისკენ.

შესაბამის განცხადებას შეიცავს ეუთო-ს საპარლამენტო ასამბლეის ვებგვერდზე გამოქვეყნებული განცხადება, რომელშიც შეჯამებულია საქართველოში ეუთო-ს საპარლამენტო ასამბლეის წინასაარჩევნო სადამკვირვებლო მისიის საქართველოში ვიზიტის შედეგები.

განცხადებაში აღნიშნულია, რომ დამკვირვებლები მოუწოდებენ ყველა დაინტერესებულ მხარეს, წინასაარჩევნოდ მომხდარი ინციდენტების გასაჩივრებისთვის და გამოძიებისთვის, მიმართონ ოფიციალურ პროცედურებს.

„მაშინ როცა შეხვედრის მონაწილეებმა აღნიშნეს საარჩევნო გარემოს პოლარიზება, აღნიშნული იყო ისიც, რომ წინა საპარლამენტო არჩევნებთან შედარებით დაძაბულობის დონე უფრო დაბალია. დელეგაციამ გაითვალისწინა მიწოდებული ინფორმაცია დაშინების და წინასაარჩევნო კამპანიის ფარგლებში მომხდარი დარღვევების ფაქტებზე და მოუწოდა ყველა დაინტერესებულ მხარეს, გამოიჩინონ თავშეკავება. ასევე მოუწოდებს დაინტერესებულ მხარეებს, წინასაარჩევნოდ მომხდარი ინციდენტების გასაჩივრებისთვის და გამოძიებისთვის, მიმართონ ოფიციალურ პროცედურებს“, – ნათქვამია ეუთო-ს საპარლამენტო ასამბლეის განცხადებაში.

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *